The Northern Way

The Complete Corpus of Anglo-Saxon Poetry

The Meters of Boethius: Meter 14


Verse Indeterminate Saxon


Hwæt bið ðæm welegan      woruldgitsere
on his mode ðe bet,      þeah he micel age
goldes and gimma      and gooda gehwæs,
æhta unrim,      and him mon erigen scyle

5

æghwelce dæg      æcera ðusend,
ðeah ðes middangeard      and þis manna cyn
sy under sunnan      suð, west and east
his anwalde      eall underðieded?
Ne mot he þara hyrsta      hionane lædan

10

of ðisse worulde      wuhte þon mare,
hordgestreona,      ðonne he hiðer brohte.

 

 

 

 

 

 

 

 


Index  |  Previous page  |  Next page