The Northern Way

The Complete Corpus of Anglo-Saxon Poetry

The Paris Psalter: Psalm 53


Verse Indeterminate Saxon


On þinum þam haligan naman,      gedo me halne, god;
alys me fram laðum      þurh þin leofe mægen.
God, min gebed      gearuwe gehyre,
and earum onfoh      min agen word.

5

Forþam me fremde oft      facne gestodon,
sohtan mine sawle      swiðe strange,
and na heom god setton      gleawne on gesyhðe.
Efne me þonne god      gleawe fultumeð,
is andfengea      ece drihten

10

sawle minre;      he me swican ne wile.
Afyr me fæcne yfel      feonda minra,
and hi soðfæst toweorp      syððan wide.
Ic ðe lustum      lace cweme,
and naman þinne      niode swylce

15

geara andette,      forðon ic hine goodne wat.
Forþon þu me alysdest,      lifes ealdor,
of earfoðum      eallum symble,
ealle mine fynd      eagum ofersawe.

 

 

 

Index  |  Previous page  |  Next page