The Northern Way

The Complete Corpus of Anglo-Saxon Poetry

Riddle 62


Verse Indeterminate Saxon


Ic eom heard ond scearp,      hingonges strong,
forðsiþes from,      frean unforcuð,
wade under wambe      ond me weg sylfa
ryhtne geryme.      Rinc bið on ofeste,

5

se mec on þyð      æftanweardne,
hæleð mid hrægle;      hwilum ut tyhð
of hole hatne,      hwilum eft fareð
on nearo nathwær,      nydeþ swiþe
suþerne secg.      Saga hwæt ic hatte.

 

 

 

 

 

 

 

 

 

 

 

 

Index  |  Previous page  |  Next page