Heliand In Old Saxon
Page 168
Cod. Cotton. Cap. LXVI,
LXVII.
Tenebrae. Chr. exclamans, sitiens, exspirans. Terrae motus.
Matth. XXVII. 45 – 51. Marc. XV. 33 – 37. Luc. XXIII. 44 – 46. Joh.
XIX. 28 – 30.
-
milda· so man is muoder scal· idis unuuamma· Thuo hie sia an is era
-
antfeng· thuru hluttran hugi· so im is herro gibod.
-
(LXVII.) Thuo uuarth thar an middian dag· mahti tecan· uuundarlic
-
giuuaraht· obar thesan uuerold alla· Thuo man thena godes suno· an
-
thena galgon huof· crist an that cruci· thuo uuarth it cuth obar all·
-
huo thiu sunna uuarth gisuorkan· ni mahta suigli lioht· sconi giscinan·
-
ac siu scado farfeng· thimm endi thiustri· endi so githismod· allaro dago
-
druouost· duncar suitho· obar thesan uuidun uueruld· so lango so
-
uualdand crist· qual an themo crucie· cuningo rikost· ant nuon dages·
-
Thuo thie nebal tiscred· that gisuerc uuarth thuo tesuungan· bigan
-
sunnun lioht· hedron an himile·
-
Thuo hreop upp te gode· allaro cuningo craftigost· thuo hie an themo
-
crucie stuod· fathmon gifastnot· Fader alomahtig quat hie· te hiu
-
thu mik so so farlieti· liebo drohtin· helag hebancuning· endi thina
-
helpa dedos· fullisti so ferr· Ik stande under theson fiondon hier·
-
uundron giuuegid·
-
Uuerod iudeono· hlogun is im te hosce· gihordun thena helagun crist·
-
drohtin furi them dode· drincan biddian· quat that ina thurstidi· Thiu
-
thioda ne latta· uuretha uuitharsacon· uuas im uuilleo mikil· huat sia
-
im bittres untuo· bringan mahtin· Habdun im unsuoti· ecid endi
-
galla· gimengid thia menhuaton· Stuod enn mann garo· suitho sculdig
-
scatho· thena habdun sia giscerid te thiu. farspanan mid spracon· that
-
hie sia an ena spunsia nam· litho thes lethosten· druog it an enon langan
-
scafte· gibundan an enon bome· endi deda it them barne godes·
-
mahtigon te muthe· Hie antkenda iro mirkiun dadi· gifuolda iro fegnes·
-
Furthor ni uuelda is· so bittres anbitan· ac hreop that barn godes.
-
hludo te them himliscon fader· Ik an thina hendi befilliu quat hie·
-
minon gest an godes uuillion· hie ist nu garo te thiu· fus te faranne·
-
firio drohtin·
-
Gihnegida thuo is hobid· helagon athom· liet fan themo likhamen·
-
So thuo thie landes uuard· sualt an them simon· so uuarth san after thiu·
-
uundartekan giuuaraht· thar thar uualdandes dod· unquethandes so filo·
-
antkennian scolda· that is endagon· ertha biuoda· hrisidun thia hohun
-
bergos· harda stenos clubun· felisos after them felde· endi that fehan