Heliand In Old Saxon
Page 143
Cod. Cotton. Cap. LVI, LVII.
Petri confidentia et Christi de eo praedictio. Consolatio discipulorum.
Matth. XXVI. 33 – 35. Marc. XIV. 29 – 31. Luc. XXII. 33. 34. Joh. XIII.
37. 38.
|| Joh. XIV. 1. 16.
-
uuid is herron· Thoh thi all thit helitho folc quat hie· gisuican thina
-
gisithos· thoh ik sinnon mid thi· at allon tharabon· tholoian uuilliu·
-
ik biun garo sinnon· ef mi god latid· that ik an thinon fullestie·
-
fasto gistande· Thoh sia thi an carcarief· clustron hardo· thesa liudi bilucan·
-
thuoh ift mi luttil tueo· ne ik an them bendion mid thi· bidan uuillie·
-
liggian mid thi sie lieben. Ef sia thines libes thann· thuru eggia nith·
-
ahtian uuillia· fruo min thie guodo· ik gibu min ferah furi thik·
-
an uuapno spil· nis mi uuerh iouuiht· te bimithanne· so lango so mi
-
min uuarod· hugi endi handcraft· Thuo sprak im eft is herro angegin.
-
Huat thu thik biuuanis quath· uuisaro treuuono· thristero thingo· thu
-
habis thegnes hugi· uuillion guodan· ik mah thi seggian huo it thoh giuuer-
-
than scal· that thu uuirdis so uuekmuod· thoh thu nu ni uuanies so· that thu
-
thines thiadnes te naht· thriuuo farlognis· er hanocradi· endi quithis
-
that ik thin herro ni si· ac thu farmanst mina mundburd. Thuo sprac
-
eft thie man angegin· Ef it io an uueroldi quat hie· giuuerthan muosti·
-
that ik samad midi thi· sueltan muosti· doian diurlico· thann ne
-
uuurthi gio thie dag cuman· that ik thin farlognidi· liebo drohtin·
-
gerno for theson iudeon· Thuo quathun alla thia iungron so· That
-
sia thar an them thingon· mid im tholian uueldin.
-
(LVII.) Thuo im eft mid is uuordon gibod· uualdand selbo· her heban-
-
cuning· that sia im ni lietin iro hugi tuiflian· Hiet that sia ni uueldin·
-
diopa githahti· ne druouie iuuua herta· thuru iuuues drohtines uuord.
-
Ne forohteat te filo· ik scal fader usan· selban suokean· endi iu sendian
-
scal· fan hebanrikie· helagna gest· Thie scal iu eft gifruofrean· endi