Heliand In Old Saxon
Page 132
Cod. Cotton. Cap. LII.,
Monac. fol. 62b
De fine mundi.
Matth. XXIV. 7. 32 – 35. Marc. XIII. 8. 28 – 31. 35. Luc. XXI. 9 – 11.
27. 29 – 33.
-
ac uuirdid uuig so maneg. obar these uuerold alla. hetilic afhaben.
-
endi heri ledid. kunni obar odar. uuirdid kuningo giuuin. meginfard
-
mikil· uuirdid managoro qualm. open urlagi. that is egislic thing.
-
that io sulik mord sculun· man afhebbien. uuirdid uuol so mikil·
-
obar these uuerold alle. mansterbono mest. thero the gio an thesaru
-
middilgard. suulti thurh suhti. liggiad seoka man. driosat endi
-
doiat. endi iro dag endiad· fulliad mid iro ferahu. ferid unmet
-
grot· hungar hetigrim· obar helido barn. metigedeono mest. Nis
-
that minniste· thero uuiteo an thesaru uueroldi. the her giuuerden
-
sculun. er domos dage. So huan so gi thea dadi gisean· giuuerden
-
an thesaru uueroldi. so mugun gi than te uuaran farstanden. that than
-
the lazto dag· liudiun nahid· mari te mannun. endi maht godes.
-
himilcraftes hrori. endi thes helagon kumi· drohtines mid is
-
diuridun. Huat gi thesaro dadeo mugun· bi thesun bomun· bilidi
-
antkennien. than sie brustiad endi bloiat· endi bladu togeat.
-
lob antlukid. than uuitun liudio barn. that than is san aftar
-
thiu. sumer ginahid. uuarm endi uunsam. endi uueder sconi.
-
So uuitun gi ok bi thesun teknun· the ik iu talde her. huan the
-
lazto dag· liudiun nahid. Than seggio ik iu te uuaran· that er
-
thit uuerod ni mot. tefaran thit folcscepi. er than uuerde gesullid
-
so· minu uuord giuuarod. Noh giuuand kumid. himiles endi
-
erdun. endi steid min helag uuord. fast forduuardes. endi uuir-
-
did al gefullod so. gilestid an thesumu liohte. so ik for thesun
-
liudiun gespriku. Uuacot gi uuarlico. iu is uuiscumo· duom-