Heliand In Old Saxon
Page 128
Cod. Cotton. Cap. L, LI.,
Monac. fol. 60b
Chr. Ephraimum, deinde Bethaniam se consert.
Joh. XI. 54. || Joh. XII. 19. || Joh. XII. 1. (2. 3). (Luc. X. 38 –
42.)
-
tidio. the imu touuard uuas. that he far thesa thioda· tholoian uuel-
-
de. far thit uuerod uuiti. uuisse imu selbo· that dagthingi
-
garo. || Tho giuuet imu use drohtin ford. endi imu tho an effre.
-
alouualdo krist· an theru hohon burg· helag drohtin uunode.
-
undar themu uuerode. antat he an is uuillean huarf. eft te betha-
-
nia· brahtmu thiu mikilun. mid thiu is godum gumscepi. || Iudeon
-
bisprakun that tho. uuordu gehuilicu· tho sie imu sulic uuerod
-
mikil· folgon gisahun. Nis frume enig quadun sie. uses rikies gi-
-
radi. thoh uui reht sprekan. ni thiit uses thinges uuiht. thius
-
thiod uuili· uuendien after is uuillean. Imu all thius uuerold fol-
-
got. liudi bi them is lerun. that uui imu ledes uuiht· for thesumu
-
folcscepi· gifrummien ni motun.
-
(LI.) Giuuet imu tho that barn godes. innan bethania· sehs nahtun·
-
er than thiu samnunga· thar an hierusalem· iudeoliudio· an
-
them uuihdagun· uuerden scolde. that sie scoldun ‡· thea helagon
-
tidi· iudeono pascha· bed the godes sunu· mahtig under theru
-
menegi. uuas thar manno craft· uuerodes bi them is uuordun.
-
Thar gengun ‡ tue uuif umbi· maria endi martha. mid mildiu hugi.
-
thionodun imu theolico. thiodo drohtin· gaf im langsam lon.
-
alet sea ledes gihues. sundeono sikora. endi selbo gibod· that sea
-
an fride forin. uuider fiundo nid. thea idisa mid is orlobu godu·
-
habdun iro ambahtscepi· biuuendid an is uuilleon. || Tho giuuet
-
imu uualdand krist· ford mid thiu folcu· firiho drohtin· innan
-
hierusalem. thar iudeono uuas· hetelic hardburi. thar sie thea