Heliand In Old Saxon
Page 119
Cod. Cotton. Cap. XLVII.,
Monac. fol. 57a
Continuatio. Dissensio quoad Christum. Si quis sitit, veniat ad me.
Joh. VIII. 10. 11. || Joh. VII. 8. 30. 31. 40. 43. || Joh. VII. 37.
38.
-
quam thit iudeono folc quad he· thine uuidersakon· thea thi her
-
uurogdun te mi. Ne sie thi hiudu uuiht· harmes ne gidedun. thea
-
liudi ledes. the thi uueldun libu beniman· uuegean te uundrun?
-
Tho sprak imu eft that uuif angegin. quad that iru thar nioman·
-
thurh thes neriandan· helaga helpa. harm ne gifrumidi· uuammes
-
te lone. Tho sprak eft uualdand crist. drohtin manno. Ne ik thi
-
geth ni derin ueouuiht quad he. ac gang thi hel hinen. lat thi an
-
thinumu hugi sorga. that thu nio sid aftar thius· ‡ sundig ni uuerdes.
-
Habde iru tho giholpen· helag barn godes. gefridod iro ferahe. ||
-
Than stod that folc iudeono. ubiles an mod· so fan eristan· uuredes
-
uuillean. huo sie uuord heti· uuid that fridubarn godes· frummien
-
mostin. habdun thea liudi an tue· mid iro gilobon gifangan. uuas
-
thiu smale thiod· sines uuillean· gernora mikilu. thes godes barnes.
-
uuord te gefrummienne. so im iro fraho gibod. romodun rehta
-
bet· than thie rikeon man. habdun ina far iro herron. ia far heben-
-
cuning. fulgengun imu gerno. || Tho giuuet imu the godes sunu·
-
an thene uuih innan. huarf ina uuerod umbi. meginthiodo gimang.
-
he an middien stod. lerde thea liudi. liohtun uuordun. hludero
-
stemnun. uuas hlust mikil. thagode thegan manag. endi he theru
-
thiod gibod. so hue so thar mid thurstu· bithuungan uuari. so ganga
-
imu herod drincan te mi. quad he dago gehuilikes· suoties brunnan.
-
Ik mag seggian iu. so hue so her gilobid te mi· liudio barno· sasto
-
undar thesumu folke. that imu than flioten sculun. fan is lichamon·
-
libbiendi flod. rinnandi uuater. ahospring mikil. kumad