Heliand In Old Saxon
Page 116
Cod. Cotton. Cap. XLVI.,
Monac. fol. 55b
Chr. ab adversariis insidiose interrogatur, utrum Caesari tributum sit
dandum
nec ne.
Matth. XXII. 16 – 5. Marc. XII. 13 – 15. Luc. XX. 20 – 23.
-
uuard. al be bilidiun sprak· barn drohtines. Sumun uuarun
-
eft so leda· lera cristes. uualdandes uuord. uuas im uuidermod
-
hugi. allun them the an themu heriskepi· herost uuarun. furiston
-
an themu folke. fares hugdun· uureda mid iro uuordun. habdun
-
im uuidersakon· gihaloden te helpu. thes heroston man· hero-
-
deses thegan· the thar anduuard stod. uuredes uuillean· that he iro
-
uuord obarhordi. ef sie ina forfengin· that sie ina than feteros an·
-
thea liudi lido bendi· leggien mostin. sundea losan. Tho gengun
-
im thea gesidos to· bittra gihugde. that sie uuid that barn
-
godes. uureda uuidersakon. uuordun sprakun. Huat thu bist
-
eosago quadun sie. allun thiodun· uuisis uuares so filu. Nis thi
-
uuerd eouuiht· te bimidanne. manno nienumu. umbi is rikidom·
-
Neuo thu simlun that reht sprikis. endi an thene godes uueg·
-
gumono gesidi· ledis mid thinun lerun. Ni mag thi laster man·
-
fidan undar thesumu folke. Nu uui thi fragon sculun· riki
-
thiodan. huilic reht habad· the kesur fan rumu· the imu te thesu-
-
mu kunnie herod· tinsi sokid. endi gitald habad· huat uui imu
-
gelden sculin· gero gehuilikes· hobidscattos. Saga huat thi thes
-
an thinumu hugi thunkea. is it reht the nis. Rad for thinun·
-
landmegun uuel. us is thinaro lerono tharf. Sie uueldun that
-
he it antquadi. than mahte he thoh antkennien uuel· iro uuredon
-
uuilleon. Te hui gi uuarlogon quad he. fandot min so frokno·
-
Ni scal iu that te frumu uuerden. that gi dreogerias· darnungo
-
nu· uuilliad mi farfahen. Het he tho ford dragan· te scauuonne