Heliand In Old Saxon
Page 109
Cod. Cotton. Cap. XLIII.,
Monac. fol. 52a
a Christo sanantur.
-
tharf. that sie geheldi· hebenes uualdand. huand sie so lango· liohtes
-
tholodun. managa huila. Sie gihordun tho that megin faren· endi
-
fragodun san. firiuuitlico. reginblindun. huilic thar riki man·
-
undar themu folcskepi· furista uuari· herost an hobid. Tho sprac
-
im en helid angegin. quad that thar hiesu crist. fan galilealan-
-
de. heleandero bezt· herost uuari. fori mid is folcu. Tho uuard
-
frahmod hugi. bethiun them blindun mannun. tho sie that barn
-
godes· uuissun undar themu uuerode. hreopun im tho mid iro
-
uuordun to. hludo te themu helagon criste. badun that he im
-
helpe geredi. drohtin dauides sunu. uuis us mid thinun dadiun
-
mildi. neri us af thesaru nodi. so thu ginoge dos· manno kunnies.
-
thu bist managun god· hilpis endi helis. Tho bigan im that heli-
-
do folc· uuerien mid uuordun. that sie an uualdand krist· so hludo
-
ni hriopin. Sie ni uueldun ‡ im horien te thiu. ac sie simla mer
-
endi mer· obar that manno folc· hludo hreopun. Heleand gestod·
-
allaro barno bezt. het sie tho brengien te imu. ledien thurh thea
-
liudi. sprak im listiun to· mildlico for theru menegi. Huat uuilliad
-
git minaro her quad he· helpono habbien. Sie badun ina helagna·
-
that he im ira ogon· opana gidadi· farliuui theses liohtes. that sie
-
liudio drom· suikle sunnun lioht· gisehen mostin. uulitisconie
-
uuerold. Uualdand frumide· hren sie tho mid is handun· dede
-
is helpe thar to. that them blindun tho· bedium uurdun· ogon
-
gioponod. that sie erde himil· thurh craft godes. antkien-
-
nien mahtun. lioht endi liudi. Tho sagdun sie lof gode diurdun