Heliand In Old Saxon
Page 108
Cod. Cotton. Cap. XLIII.,
Monac. fol. 51b
Chr. quae sibi eventura sint, discipulis praedicit. Duo caeci prope
Jerichunta
Matth. XX. 17 – 19. Marc. X. 32 – 34. Luc. XVIII. 31 – 33. || Matth.
XX. 29. 30.
Marc. X. 46. Luc. XVIII. 35.
-
thea uuarun imu triuuuiston. man obar erdu. sagde im mahtig
-
selbo· oder sidu. huilic imu thar arbedi· touuard uuarun. thes ni
-
mag enig tueho uuerden quad he. quad that sie tho te hierusalem·
-
an that iudeono folc· lidan scoldin. Thar uuirdid all gilestid so· ge-
-
frumid undar themu folke. so it an furndagun· uuise man be mi·
-
uuordun gesprakun. thar sculun mi farcopon· undar thea crafti-
-
gon thiod· helidos te theru heri. thar uuerdat mina hendi gebun-
-
dana· fadmos uuerdad mi thar gefastnod. filu scal ik thar githo-
-
loian. hoskes gihorien· endi harmquidi. bismerspraka. endi bi-
-
hetuuord manag. Sie uuegeat mi te uundron· uuapnes eggiun.
-
bilosiad mi libu. Ik te thesumu liohte scal· thurh drohtines craft.
-
fan dode astanden. an thriddeon dage. Ni quam ik undar
-
thesa theoda herod te thiu· that min eldibarn· arbed habdin·
-
that mi thionodi thius thiod. Ni uuilliu ik is sie thiggien nu·
-
fergon thit folcskepi. ac ik scal imu te frumu uuerden. theonon
-
imu theolico. endi for alla thesa theoda geben· seole mine. Ik
-
uuilliu sie selbo nu· losien mid minu libu. thea her lango bidun·
-
mankunnies manag· minara helpa. For imu tho forduuar-
-
des· habde imu fasten hugi. blidean an is breostun· barn droh-
-
tines. uueldun im te hierusalem· iudeofolkes. uuilleon uuisan.
-
he conste thes uuerodes so garo· hetigrimmen hugi· endi hardan
-
strid. uuredan uuilleon. || Uuerod sidodæ· furi hierichoburg.
-
uuas the godes sunu· mahtig undar thero menigi· Thar satun
-
tuenie man bi uuege. blinde uuarun sie bethie. uuas im botono