Heliand In Old Saxon
Page 107
Cod. Cotton. Cap. XLII,
XLIII., Monac. fol. 51a
Applicatio parabolae de patrefamilias et operariis.
-
nun uuard· thea thar te nonu dages· an thea nigunda tid. an thene
-
uuingardon· uuirkean quamun. Sum uuirdid than so suido gefrodot·
-
so he ni uuili is sundea botien. ac he okid sie mid ubilu gehuilicu.
-
antat imu is aband nahid. is uuerold endi is uunnea farslitid. than
-
beginnid he imu uuiti andreden. is sundeon uuerdad imu sorga an
-
mode· gehugid that he selbo gefrumide· grimmes than lango the he
-
moste is iugudeo neoten. Ni mag than mid odru godu gibotien·
-
thea dadi thea he so derbea gefrumide. ac he slehit allaro dago
-
gehuilikes· an is breost mid bethiun handun. endi uuopit sie mid
-
bittrun trahnun. hludo he sie mid hofnu kumid. bidid thene hela-
-
gon drohtin· mahtigne that he imu mildi uuerde. Ni latid imu
-
sidor is mod gituiflien. so egrohtful is the thar alles geuueldid·
-
he ni uuili enigumu irminmanne· faruuernien uuillean sines.
-
fargibid imu uualdand selbo. helag himilriki. than is imu giholpen
-
sidur. Alle sculun sie thar era antfahen. thoh sie tharod te enaru
-
tidi· ni kumen that kunni manno. thoh uuili imu the craftigo droh-
-
tin. gilonon allaro liudio so huilicumu· so her is gilobon antfahit.
-
en himilriki gibid he· allun theodun. mannun te medu. That mende
-
mahtig krist· barno that bezte. tho he that bilidi sprak. huo thar
-
te them uuingardun. uurhteon quamin. man mislico. thoh
-
nam is mede gehue· fulle te is froian. So sculun firiho barn·
-
at gode selbumu· geld antfahen. suido leoblic lon. thoh sie sume
-
lata uuerthan.
-
(XLIII.) Het imu tho thea is godan· iungaron nahor· tuelibi gangan.