Heliand In Old Saxon
Page 97
Cod. Cotton. Cap. XXXVIII,
XXXIX., Monac. fol. 47a
Continuatur transfiguratio. Passionis praedictio.
Matth. XVII. 5 – 9. Marc. IX. 6 – 9. Luc. IX. 35 – 36. || Matth. XVII.
22.
Marc. IX. 31. Luc. IX. 44.
-
libbiendero liobost. an themu mi licod uuel· an minun hugiskeftiun·
-
themu gi horien sculun. fulgangad imu gerno. Tho ni mahtun thea
-
iungaron cristes· thes uuolcnes uuliti. endi uuord godes· thea is
-
mikilon maht· thea man antstanden. ac sie bifellun tho ford-
-
uuardes. ferhes ni uuandun. lengiron libes. Tho geng im to the
-
landes uuard. behren sie mid is handun. heleandero bezt. het that
-
sie im ni andredin. Ni scal iu her derien eouuiht. thes gi her
-
seldlikes· giseen habbiad. meriaro thingo. Tho eft them mannun
-
uuard· hugi at iro herton. endi gihelid mod. gibade an iro breostun·
-
gisahun that barn godes· enna standen. uuas that oder tho· be-
-
hliden himiles lioht. Tho giuuet imu the helago crist· fan themu
-
berge nider. gibod aftar thiu· iungarun sinun. that sie obar iudeo-
-
no folc· ni sagdin thea gisioni. er than ik selbo· suido diurlico· fan
-
dode astande. arise fan theru restu. sidor mugun gi it rekkien
-
ford. marien obar middilgard. managun thiodun. (XXXIX.) uuido
-
aftar thesaru uueroldi.
-
Tho giuuet imu uualdand crist· eft an galileoland. sohte is
-
gadulingos. mahtig is mago hem· sagde thar manages huat·
-
bærhtero bilideo. endi that barn godes· them is saligun ge-
-
sidun· sorgspell ni forhal. ac he im openlico· allun sagde.
-
them is godun iungarun. huo ine scolde that iudeono folc·
-
uuegean te uundrun. thes uurdun thar uuise man· suuido
-
an sorgun. uuard im ser hugi. hriuuig umbi iro herte. gihor-
-
dun iro herron tho· uualdandes sunu· uuordun tellien· huat he