Heliand In Old Saxon
Page 84
Cod. Cotton. Cap. XXXIII.,
Monac. fol. 40b
Herodiadis filia ante epulantes saltat.
Matth. XIV. 6. 7. Marc. VI. 21. 22. 23
-
managa· iudeon an thene gastseli. uuard im thar gladmod hugi·
-
blidi an iro breostun. gisahun iro baggebon· uuesen an uunneon·
-
drog man uuin an flet· skiri mid scalun. skenkeon huurbun·
-
gengun mid goldfatun. gaman uuas thar inne. hlud an thero hallu.
-
helidos drunkun. || Uuas thes an lustun· landes hirdi· huat he themu
-
uuerode mest· te uunniun gifremidi. het he tho gangen ford·
-
gela thiornun. is broder barn· thar he an is benki sat· uuinu gi-
-
uulenkid. endi tho te themu uuibe sprac· grotte sie fora themu
-
gumskepie. endi gerno bad· that siu thar fora them gastiun· gaman
-
afhobi. fagar an flettie. lat thit folc sehan· huo thu gelinod habas·
-
liudio menegi· te blidzeanne an benkiun. ef thu mi thera bede tugi-
-
thos. min uuord for thesumu uuerode. than uuilliu ik it her te
-
uuarun gequeden· liahto fora thesun liudiun. endi ok gilestien so·
-
that ik thi than aftar thiu· eron uuilliu. so hues so thu mi bidis·
-
for thesun minun baguuiniun. thoh thu mi thesaro heridomo·
-
halbaro fergos. rikeas mines. thoh gidon ik that it enig rinko
-
ni mag· uuordun giuuendien. endi it scal giuuerden so. ||
-
Tho uuard thera magad aftar thiu· mod gihuorben· hugi
-
aftar iro herron. that siu an themu huse innen· an themu gast-
-
seli· gamen upahuof. al so thero liudio· landuuise gidrog. thero
-
thiodo thau. thiu thiorne spilode· hror aftar themu huse.
-
hugi uuas an lustun. managaro modsebo. || Tho thiu magad
-
habda· githionod te thanke· thiodcuninge. endi allumu the-
-
mu erlskepie. the thar inne uuas· godaro gumono. Siu