Heliand In Old Saxon
Page 80
Cod. Cotton. Cap. XXXI,
XXXII., Monac. fol. 38b
Concluditur expositio praecedentis parabolae. Parabola sagenae.
Matth. XIII. 40 - 43. Matth. XIII. 47 - 50.
-
gihorien mugi. erl mid is orun. so lata imu thit an innan· sorga
-
an is modsebon. huo he scal an themu mareon dage· uuid thene
-
rikeon god· an rethiu standen. uuordo endi uuerko allaro· the he
-
an thesaro uueroldi giduod. That is egislicost· allaro thingo·
-
forhtlicost firiho barnum. that sie sculun uuid iro frahon mahlien·
-
gumon uuid thene godan drohtin. Than uueldi gerno gehue
-
uuesan· allaro manno gehuilic· menes tomig. slidero sacono·
-
Aftar thiu scal sorgon er· allaro liudeo gehuilic· er he thit
-
lioht afgebe. the than egan uuili· alungan tir· hoh hebenriki·
-
endi huldi godes.
-
(XXXII.) So gifragn ik that tho selbo· sunu drohtines· allaro barno
-
bezt. bilideo sagda. huilic thero uuari· an uueroldrikea·
-
undar helidcunnie· himilrikie gelich. quad that oft lutti-
-
les huat· liohtora uurdi· so hoho afhuobi. so duot himilriki·
-
that is simla mera· than is man enig· uuanie an thesaro
-
uueroldi. Ok is imu that uuerk gelich. that man an
-
seo innan· segina uuirpit. fisknet an flod. endi fahit
-
bediu· ubile endi gode· tiuhid up te stade. lidod sie te lande.
-
Lisit aftar thiu· thea godun an greote. endi latid thea odra
-
eft an grund faran. an uuidan uuag. So duod uualdand god·
-
an themu mareon dage. menniscono barn. brengid irminthiod·
-
alle tesamne. lisit imu than thea hluttron. an hebenriki.
-
latid thea fargriponon· an grund faren· helliefiures. Ni uuet
-
helido man· thes uuities uuidarlaga. thes thar uueros thiggeat.