Heliand In Old Saxon
Page 77
Cod. Cotton. Cap. XXX, XXXI.
Finitur expositio parabolae seminantis. Parobola bonæ sementis et zizaniorum.
Matth. XIII. 24 - 26.
-
ik can thesaro liudio hugi· so mislican muodfebon· manno cunnies
-
so uuanda uuisa· sum habit all te thiu is muod gilatan endi merr
-
forogot· huo hie that bihaldæ· huo hie hebancuninges· uuilleon
-
giuuirkie· bethiu thar uuahsan ni mag· that helaga gibod godes·
-
thoh it thar ahaftan mugi· uurtion biuuerpan· huand it thie uuelo
-
thringit· so samo so that crud endi thie thorn· that corn antfahat·
-
uueriat im thena uuaston· so duot thie uuelo manne. Giheftid
-
is herta· that hie it gihuggian ni muot· thie man an is muode·
-
thes hie mest bitharf· Huo hie that giuuirkie· than lang thie hie
-
an thesaro uueroldi si· that hie te euuon dage· after muoti·
-
hebbian thuru is herren thanc· himiles riki· So endilosan uuelon·
-
so that ni mah enig man· uuitan an thesaro uueroldi· nio hie so uuido·
-
ni can te githenkeanne· thegan an is muode· that it bihaldan mugi·
-
herta thes mannes· that hie that ti uuaron uuiti· huat uualdand god
-
habit·guodes gigereuuid· that all geginuuerd sted· Manno so huilicon·
-
so ina hier minniot uuel· endi selbo te thiu· is seola gihaldit· that
-
hie an lioht godes· lithan muoti.
-
(XXXI.) So uuisda hie thuo mid uuordon· stuod uuerod mikil· umbi
-
that barn godes· gihordun ina bi bilithon filo· umbi thesaro uueroldes
-
giuuand· uuordon tellian· Quat that im oc en adales man· an is acker
-
saidi· hluttar hren corni· handon sinon· Uuolda im thar so uun-
-
sames· uuastmes tilian· fagares fruhtes. thuo geng thar is fiond
-
after· thuru dernian hugi· endi it all mid durthu obarseu·
-
mid uueodo uuirsiston· Thuo uuohsun sia bethiu· ge that corn