Heliand In Old Saxon
Page 76
Cod. Cotton. Cap. XXX.,
Monac. fol. 37b
Continuatur expositio parabolae seminantis.
-
dibual fer· uureda uuihti. endi the uuard godes· nahor mikilu·
-
nahtes endi dages· anttat sie ina brengead· that thar bethiu uuirdid·
-
ia thiu lera te frumu· liudio barnun. the fan is mude cumid.
-
iac uuirdid the man gode. Habad so giuuehslod. te ‡ uuerold-
-
stundu· mid is hugiskeftiun. himilrikeas gidel· uuelono thene
-
mestan. farid imu an giuuald godes. thanon atomid· treuua sind.
-
so goda gumono gehuilicumu. so nis godes hord· gelik fulicumu gilobon·
-
Uuesad iuuuaro lerono ford· mancunnie mildie. sie sind so mislika·
-
helidos gehugda. sum habad iro hardan strid. uuredan uuillean. uuan-
-
colna hugi. is imu feknef ful. endi firinuuerko. than biginnid imu
-
thunkean· than he undar theru thiodu stad. endi thar gihorid· obar
-
hlust mikil· thea godes lera· than thunkid imu that he sie ‡ ford gerno·
-
lestien uuillie. than biginnid imu thiu godes lera· an is hugi
-
hafton· anttat imu than eft an hand cumid. feho te giforea.
-
endi fremidi scat. than farledead ina· letha uuihti. than he
-
imu farfahid· an fehogiri. ales kid thene gilobon. than
-
uuas imu that luttil fruma· that he it gio an is hertan gehugid·
-
ef he it halden ne uuili. that is so the uuastom· the an themu uue-
-
ge began· liodan an themu lande. tho farnam ina eft thero
-
liudio fard. So duot thea megin sundeon· an thes mannes hugi.
-
thea godes lera. ef he is ni gomid uuel. elcor bifelliad sia ina· ferne
-
te bodme. an thene hetan hel. thar he hebencuninge ni uuir-
-
did· furdur te frumu. ac ina fiund sculun· uuitoga uuara-
-
gean. Simla gi mid uuordun ford· leread an thesumu lande·