Heliand In Old Saxon
Page 68
Cod. Cotton. Cap. XXVI,
XXVII.
Aliorum infirmorum sanatio. Tempestas maris sedata.
Matth. IV. 23. 24. || Matth. VIII. 18. 23 - 26. Marc. IV. 36 - 40.
Luc. VIII. 22 - 25.
-
endi uurdun thar giledit tuo· Cumana te criste· thar hie im
-
thuru is craft mikil· halp endi sia helda· endi sia eft gihaldana
-
thanan· uuendan an iro uuilleon· Be thiu scal man is uuerc lobon·
-
diuran is dadi· huand hie is drohtin self· Mahtig mundboro·
-
manno kunnie· liudeo so huilicon· so thar gilobit tuo. (XXVII.)
-
An is uuord endi an is uuerc· || Thuo uuas thar uuerodes so filo· allaro
-
elithiodo· cuman te them eron cristes· The so mahtiges mundburd·
-
thuo uuelda hie thar ena meri lithan· thie godes suno mid is
-
iungron· an eban galilealand· uualdand enna uuago strom· thuo hiet
-
hie that uuerod odar· forthuuerdes faran· endi hie giuuet im
-
fahora sum· an enna nacon innan· neriendi crist· slapan sithuuorig·
-
segel upp dadun· uuederuuisa uueros· lietun uuind aftar· Manon
-
obar thena meristrom· unthat hie te middean quam· uualdand mid
-
is uuerodu· thuo bigan thes uuedares craft· ust upstigan· uthiun
-
uuahsan· suang gisuerc an gimang· thie seu uuarth an hruoru·
-
Uuan : : uuind endi uuater· uueros sorogodun· thiu meri uuarth so
-
muodag· Ni uuanda thero manno nigen· lengron libes· Thuo sia
-
landes uuard· uuekidun : : : : : mid iro uuordon· endi sagdun im thes
-
uuedares craft· badun that im ginathig· neriendi crist· uurdi uuid
-
them uuatare· eftha uui sculun hier te uunderqualu· sueltan an
-
theson seuue. Self upparæs· thie guodo godes suno· endi te is iungron
-
sprak· Hiet that sia im uuedares giuuin· uuiht ni andrædin· Te hui
-
sind gi so forhta quat hie· nis iu noh fast hugi· gilobo is iu te luttil·
-
nis nu lang te thiu· that thia stromos sculun· stilrun uuerthan· gi thit