Heliand In Old Saxon
Page 62
Cod. Cotton. Cap. XXIV.,
Monac. fol. 31b
Contin. Nuptiae Canenses.
Joh. II. 5 - 10
-
sconiost· skenkeon endi scapuuardos· thea thar scoldun thero
-
scolu thionon· that sie thes ne uuord ne uuere· uuiht ne farletin· thes
-
sie the helogo crist· hetan uueldi· leftean far them liudiun. Larea
-
stodun thar· stenuatu sehsi. tho so stillo gebod· mahtig barn godes·
-
so it thar manno filu· ne uuissa te uuarun. huo he it mit ‡ uuordu
-
gesprac. He het thea skenkeon tho· skireas uuatares· thiu fatu fullien·
-
endi hi thar mid is fingrun tho· segnade selbo· sinun handun· uuarh-
-
te it te uuine. endi het is an en uuegi hladen· skeppien mid enoro
-
scalon. endi tho te them skenkeon sprac. het is thero gesteo· the at
-
them gomun uuas· themu heroston· an hand geban. ful mid fol-
-
mun. themu the thes folkes thar· geuueld aftar themu uuerde·
-
Reht so hi ‡ thes uuines gedranc. so ni mahte he bemidan· ne hi far
-
theru menigi sprac· te themu brudigumon. quad that simbla
-
that bezte lid· alloro erlo gehuilic· erist scoldi. geban at is go-
-
mun. undar thiu uuirdid thero gumono hugi· auuekid mid
-
uuinu· that sie uuel blidod. druncan dromead. than mag man
-
thar dragan aftar thiu· lihdlicora lid. so ist thesoro liudeo thau.
-
Than habas thu nu uunderlico· uuerdskepi thinan· gemarcod
-
far thesoro menigi. hetis far thit manno folc· alles thines uuines·
-
that uuirsiste· thine ambahtman· erist brengean. geban an thi-
-
nun gomun. Nu sint thina gesti sade. sint thine druhtingos·
-
druncane suido. is thit folc fruomod· nu hetis thu hir ford
-
dragan. alloro lido loffamost. thero ‡ ic eo an thesumu
-
liohte gesah. huergin hebbean. mid thius scoldis thu us hindag